(١٦٧١٢) ہشیم کہتے ہیں کہ جب حضرت حسن معاویہ کے حق میں دستبردار ہوگئے تو معاویہ نے انھیں کہا : کھڑے ہوں اور بات کریں تو حضرت حسن نے حمد و ثنا بیان کی، پھر فرمایا : اما بعد ! عقلمندی تقویٰ میں ہے اور عجز گناہوں میں ہے، بیشک اس معاملہ میں میرا اور معاویہ کا اختلاف تھا۔ معاویہ مجھ سے زیادہ حق دار تھا، میرا جو حق تھا وہ میں نے معاویہ کے لیے چھوڑ دیا۔ مسلمانوں کی اصلاح کے لیے اور ان کے خون کی حفاظت کے لیے : { وَ اِنْ اَدْرِیْ لَعَلَّہٗ فِتْنَۃٌ لَّکُمْ وَ مَتَاعٌ اِلٰی حِیْنٍ } [الانبیاء ١١١] پھر استغفار کی اور اتر گئے۔