(١٦٧١٨) خالد بن واشمہ کہتے ہیں : جب جنگِ جمل ختم ہوگئی اور حضرت عائشہ (رض) اپنی منزل میں اتر گئیں ۔ میں ان کے پاس گیا اور کہا : السلام علیکِ اے ام المؤمنین ! پوچھا : کون ہے ؟ میں نے کہا : خالد بن واشمہ۔ پوچھا : طلحہ کیا کیا بنا ؟ میں نے کہا : شہید ہوگئے۔ کہا : إِنَّا لِلَّہِ وَإِنَّا إِلَیْہِ رَاجِعُونَ ۔ اللہ اس پر رحم فرمائے۔ پوچھا زبیر کا کیا ہوا ؟ میں نے کہا : وہ بھی شہید ہوگئے تو پھر انا للہ پڑھا اور فرمایا : اللہ اس پر رحم فرمائے۔ میں نے کہا : زید بن صوحان بھی شہید ہوگئے تو فرمایا : واقعی ! اور پھر انا للہ پڑھا اور رحم کی دعا کی۔ میں نے کہا بلکہ ہم سب پر انا للہ پڑھنی چاہیے کہ ہم نے ایک دوسرے کو مارا ہے۔ کیا زید، طلحہ، زبیر نے بھی تو کیا اللہ ان سب کو جنت میں داخل کرے گا، جمع کرے گا ؟ تو فرمانے لگی : کیا تجھے نہیں پتہ کہ اللہ کی رحمت بڑی وسیع ہے اور وہ ہر چیز پر قادر ہے ؟ تو کہا : یہ ایک زائد چیز ہے۔