(١٦٧٣٦) حضرت قتادہ فرماتے ہیں کہ اللہ کا یہ فرمان : { یٰٓأَیُّھَا الَّذِیْنَ اٰمَنُوْا مَنْ یَّرْتَدَّ مِنْکُمْ۔۔۔} [المائدۃ ٥٤] نازل ہوا تو پتہ چل گیا کہ کچھ لوگ مرتد بھی ہوں گے۔ جب نبی (صلی اللہ علیہ وآلہ وسلم) فوت ہوگئے تو بعض لوگ بھی مرتد ہوگئے، علاوہ تین جگہوں ” مسجدوں “ کے اہل، مدینہ، اہل مکہ، اہل جواثا بنو عبدالقیس اہل بحرین سے، عرب کہنے لگے : نماز تو ہم پڑھیں گے، لیکن زکوۃ نہیں دیں گے تو حضرت ابوبکر نے ان سے بات کی اور انھیں سمجھایا تو وہ کہنے لگے : اگر ہمیں یہ بات سمجھ آجائے تو ہم زکوۃ دیں گے تو حضرت ابوبکر نے فرمایا : میں نماز اور زکوۃ میں اللہ کی قسم فرق نہیں سمجھتا اور اللہ کی قسم ! اگر ایک رسی کا ٹکڑا جو یہ نبی (صلی اللہ علیہ وآلہ وسلم) کو دیا کرتے تھے، اگر آج اس کا بھی انکار کیا تو میں ان سے جہاد کروں گا۔ اللہ نے آپ کو طاقت دی۔ آپ نے ان سے لڑائی کی اور یہ لوگ فرض زکوۃ پر مان گئے۔ پھر ایک عرب کا وفد آیا تو آپ نے ان کو اختیار دیا کہ یا تو مال کا حق دو یا جنگ کے لیے تیار ہو جاؤ تو انھوں نے جنگ سے کنارہ کشی کرلی اور خطہ کو پسند کرلیا، یعنی مال کا مقرر حصہ دینے پر راضی ہوگئے۔