(١٦٧٨٢) ابو غالب کہتے ہیں کہ میں ابو امامہ کے ساتھ تھا کہ خوارج کے سر لائے گئے اور وہ دمشق کے میناروں پر رکھے گئے تو کہا : جہنم کے کتے اور تین مرتبہ یہی فرمایا اور فرمایا : آسمان کے نیچے سب سے بدترین مقتول اور ان کو قتل کرنے والے اور ان کے ہاتھوں قتل ہونے والے سب سے بہترین، تین مرتبہ فرمایا۔ میں نے پوچھا : یہ آپ خودکہہ رہے ہیں یا نبی (صلی اللہ علیہ وآلہ وسلم) سے سنا ہے ؟ تو فرمایا : کیا میں اتنا جرأت والا ہوں میں نے نبی (صلی اللہ علیہ وآلہ وسلم) سے یہ سنا ہے۔