(١٦٨٣٦) قیس بن عباد کہتے ہیں میں نے عمار کو کہا : جو تم نے علی کے معاملے میں کیا اسے تم کیسا دیکھتے ہو ؟ کیا یہ تمہاری رائے تھی یا نبی (صلی اللہ علیہ وآلہ وسلم) کا کوئی عہد ؟ تو فرمایا : نبی (صلی اللہ علیہ وآلہ وسلم) نے ہم سے کوئی خاص عہد نہیں لیا۔ آپ کا عہد سب کے لیے تھا، لیکن حضرت حذیفہ نے مجھے نبی (صلی اللہ علیہ وآلہ وسلم) سے ایک حدیث بیان کی کہ آپ (صلی اللہ علیہ وآلہ وسلم) نے فرمایا : میرے صحابہ میں ١٢ منافق ہوں گے، ٨ ان میں سے جنت میں داخل نہیں ہوں گے، یہاں تک کہ اونٹ سوئی کے ناکے سے گزر جائے اور ان آٹھ کو بڑی مصیبتیں کافی ہیں اور باقی ٤ کو شعبہ نے کیا کیا بتایا مجھے یاد نہیں۔