(١٦٨٣٨) زید بن ارقم کہتے ہیں کہ ایک سفر میں ہم نبی (صلی اللہ علیہ وآلہ وسلم) کے ساتھ نکلے، لوگوں کو اس میں بہت تکلیف پہنچی تو عبداللہ بن ابی اپنے ساتھیوں کو کہنے لگا : جو اللہ کے رسول کے پاس ہیں، ان پر تم خرچ نہ کرنا یہاں تک کہ وہ آپ کے ارد گرد سے ہٹ جائیں اور ہم مدینہ جا کر اس سے ان ذلیلوں کو نکال دیں گے۔ ہم عزت والے ہیں تو میں نے یہ سنا اور جا کر نبی (صلی اللہ علیہ وآلہ وسلم) کو بتادیا : آپ نے اسے بلا کر پوچھا تو اس نے قسم اٹھا دی کہ اس نے ایسا کچھ نہیں کہا تو لوگ کہنے لگے : زید نے نبی (صلی اللہ علیہ وآلہ وسلم) کو جھوٹ بولا ہے تو میرے دل میں جو انھوں نے کہا تھا خیال آیا تو اللہ تعالیٰ نے میری تصدیق میں سورة المنافقون نازل فرما دی تو نبی (صلی اللہ علیہ وآلہ وسلم) نے ان کو بلایا اور فرمایا : آؤ تمہارے لیے دعائے مغفرت کر دوں تو انھوں نے سر پھیر لیے۔ یہ لوگ بہت خوبصورت تھے۔