(١٦٨٤٢) ابن عمر فرماتے ہیں کہ جب عبداللہ بن ابی مرگیا تو اس کا بیٹا نبی (صلی اللہ علیہ وآلہ وسلم) کے پاس آیا اور کہنے لگا : اپنی قمیض عطا فرمائیں تاکہ اس میں میں اسے کفن دوں اور آپ اس پر نماز پڑھیں اور میرے والد کے لیے بخشش کی دعا کریں۔ آپ نے اس کو اپنی قمیض دے دی اور کہا : جب کفن سے فارغ ہو جاؤ تو مجھے بتانا، جب نماز کا ارادہ کیا تو حضرت عمر نے عرض کیا : یا رسول اللہ ! کیا آپ کو منافق پر نماز سے روکا نہیں گیا ؟ فرمایا : مجھے اختیار دیا گیا ہے کہ { اِسْتَغْفِرْلَھُمْ اَوْ لَا تَسْتَغْفِرْلَھُمْ } [التوبۃ ٨٠] تو آپ نے اس پر نماز پڑھی تو یہ آیت نازل ہوگئی : { وَ لَا تُصَلِّ عَلٰٓی اَحَدٍمِّنْھُمْ مَّاتَ اَبَدًا وَّ لَا تَقُمْ عَلٰی قَبْرِہٖ } [التوبۃ ٨٤] تو آپ نے نماز پڑھنا بھی چھوڑ دی۔