(١٦٩١٧) ابوہریرہ اور زید بن خالد جہنی فرماتے ہیں : دو شخص نبی (صلی اللہ علیہ وآلہ وسلم) کے پاس جھگڑا لے کر آئے اور کہنے لگے : ہمارے درمیان کتاب اللہ سے فیصلہ کیجیی اور دوسرے نے بھی یہی بات کی۔ وہ دونوں میں زیادہ سمجھ دار تھا۔ کہنے لگا : مجھے اجازت دیجیے کہ میں بات کروں تو آپ نے فرمایا : بولو تو کہنے لگا : میرا بیٹا اس کے ہاں کام کرتا تھا تو اس کی بیوی سے اس نے زنا کرلیا تو مجھے بتایا گیا کہ میرے بیٹے پر رجم ہے تو میں نے اس کے بدلے سو بکریاں فدیے میں دے دیں اور اپنی ایک لونڈی۔ پھر میں نے اہل علم سے سوال کیا تو انھوں نے کہا کہ میرے بیٹے پر سو کوڑے اور ایک سال کی جلا وطنی ہے اور اس کی بیوی پر رجم تو نبی (صلی اللہ علیہ وآلہ وسلم) نے فرمایا : قسم ہے اس ذات کی جس کے ہاتھ میں میری جان ہے میں تمہارے درمیان اللہ کی کتاب کے مطابق فیصلہ کرتا ہوں، تیرے بیٹے پر سو کوڑے اور ایک سال کیجلا وطنی ہے۔ بکریاں اور لونڈی تجھے والپس ملیں گی اور اس کی بیوی پر رجم ہے اور انیس کو بھیجا کہ جاؤ اس عورت سے پوچھو : اگر وہ اعتراف کرلے تو اسے رجم کر دو ، اس نے اعتراف کرلیا تو اسے رجم کردیا گیا۔