(١٦٩٩) ابن شہاب سے روایت ہے کہ سیدنا عمر بن عبد العزیز نے ایک نماز کو مؤخر کردیا، ان کے پاس عروہ بن زبیر تشریف لائے، انھوں نے خبر دی کہ سیدنا مغیرہ بن شعبہ (رض) نے ایک دن کوفہ میں نماز مؤخرکر دی، اس پر ابو مسعود انصاری تشریف لائے اور کہا : اے مغیرہ ! یہ کیا ہے ؟ کیا نہیں تو جانتا ہے کہ جبرائیل (علیہ السلام) آئے، انھوں نے نماز پڑھی اور رسول اللہ (صلی اللہ علیہ وآلہ وسلم) نے نماز پڑھائی، پھر انھوں نے نماز پڑھی اور رسول اللہ (صلی اللہ علیہ وآلہ وسلم) نے نماز پڑھائی، پھر انھوں نے نماز پڑھی اور رسول اللہ (صلی اللہ علیہ وآلہ وسلم) نے نماز پڑھائی، پھر انھوں نے نماز پڑھی اور رسول اللہ (صلی اللہ علیہ وآلہ وسلم) نے نماز پڑھائی، پھر انھوں نے نماز پڑھی اور رسول اللہ (صلی اللہ علیہ وآلہ وسلم) نے نماز پڑھائی، پھر آپ (صلی اللہ علیہ وآلہ وسلم) نے فرمایا : ” اسی کا مجھے حکم دیا گیا ہے۔ “ سیدنا عمر (رض) نے عروۃ (رض) سے کہا : اے عروہ ! دیکھ تو کیا بیان کررہا ہے ، کیا جبرائیل (علیہ السلام) نے رسول اللہ (صلی اللہ علیہ وآلہ وسلم) کو نماز کے وقت اقامت کروائی ؟ عروہ (رض) نے کہا : اسی طرح بشیر بن أبی مسعود اپنے والد سے نقل فرماتے ہیں۔ عروہ (رض) نے کہا : مجھے سیدہ عائشہ (رض) نے حدیث بیان کی کہ رسول اللہ (صلی اللہ علیہ وآلہ وسلم) عصر کی نماز پڑھتے تھے اور سورج ظاہر ہونے سے پہلے ان کے کمرے میں ہوتا تھا۔