(١٧٠٠٣) ابن عباس کہتے ہیں کہ نبی (صلی اللہ علیہ وآلہ وسلم) جمعہ کا خطبہ دے رہے تھے کہ بنو لیث بن بکیر کا ایک شخص لوگوں کو روندتا ہوا آیا یہاں تک کہ وہ آپ کے قریب آگیا اور کہنے لگا : مجھ پر حد قائم کیجیے، آپ نے اسے ڈانٹ کر بٹھا دیا، لیکن اس نے تین مرتبہ اسی طرح کیا تو آپ نے پوچھا : تم پر کس چیز کی حد ہے ؟ اس نے کہا : زنا کی۔ آپ کے صحابہ میں علی، عباس، زید بن حارثہ اور عثمان (رض) تھے۔ آپ نے فرمایا : جاؤ اسے کوڑے لگاؤ، وہ غیر شادی شدہ تھا۔ آپ کو کہا گیا : یا رسول اللہ ! اس عورت کو حد نہیں لگانی، جس کے ساتھ اس نے ایسا کیا ہے ؟ تو آپ نے اسے بلوایا اور اس سے اس عورت کا پوچھا تو اس نے بنو بکر کی ایک عورت کا نام لیا۔ جب اس عورت سے معلوم کروایا تو اس نے قسم اٹھا کر انکار کردیا اور کہا : اللہ میرا گواہ ہے تو آپ نے اس شخص سے پوچھا : تیرے پاس کوئی گواہ ہے کہ تو نے اس کے ساتھ ایسا کیا ہے اس نے کہا : نہیں تو پھر آپ نے اسے حد قذف کے اسی کوڑے لگوائے۔