(١٧١٩) سیدنا جابر بن عبداللہ انصاری (رض) فرماتے ہیں کہ جبرائیل (علیہ السلام) نبی (صلی اللہ علیہ وآلہ وسلم) کے پاس آئے جس وقت سورج ڈھل چکا تھا، اس نے کہا : اے محمد ! کھڑے ہوں ظہر کی نماز پڑھیں۔ آپ (صلی اللہ علیہ وآلہ وسلم) کھڑے ہوئے اور ظہر کی نماز پڑھائی، جس وقت سورج ڈھل گیا، پھر ٹھہرے رہے یہاں تک کہ آدمی کا سایہ اس کی مثل ہوگیا، وہ آپ (صلی اللہ علیہ وآلہ وسلم) کے پاس آئے اور کہا : اے محمد (صلی اللہ علیہ وآلہ وسلم) کھڑے ہوں عصر کی نماز پڑھیں، آپ (صلی اللہ علیہ وآلہ وسلم) کھڑے ہوئے اور عصر کی نماز پڑھائی، پھر ٹھہرے رہے یہاں تک کہ سورج غائب ہوگیا، پھر جبرائیل نے کہا : کھڑے ہوں مغرب کی نماز پڑھیں، آپ (صلی اللہ علیہ وآلہ وسلم) کھڑے ہوئے اور نماز پڑھائی، جس وقتسورج مکمل غائب ہوگیا پھر ٹھہرے رہے یہاں تک کہ سرخی چلی گئی وہ آپ (صلی اللہ علیہ وآلہ وسلم) کے پاس آئے اور کہا : کھڑے ہوں عشا کی نماز پڑھیں، آپ (صلی اللہ علیہ وآلہ وسلم) کھڑے ہوئے آپ (صلی اللہ علیہ وآلہ وسلم) نے نماز پڑھی، پھر آپ (صلی اللہ علیہ وآلہ وسلم) کے پاس آئے جس وقت فجر صبح کے لیے طلوع ہونے لگی اور کہا : اے محمد ! کھڑے ہوں اور نماز پڑھیں ، آپ (صلی اللہ علیہ وآلہ وسلم) کھڑے ہوئے اور صبح کی نماز پڑھائی، پھر دوسرے روز آئے جس وقت آدمی کا سایہ اس کی دو مثل ہوگیا تھا اس نے کہا : اے محمد ! کھڑے ہوں آپ (صلی اللہ علیہ وآلہ وسلم) کھڑے ہوئے اور عصر کی نماز پڑھی، پھر مغرب کو ایک ہی وقت میں آئے جس وقت سورج غائب ہوگیا۔ اس نے کہا : کھڑے ہوں مغرب کی نماز پڑھیں پھر عشاکو آئے جس وقت پہلی رات کا اول حصہ چلا گیا اور کہا : کھڑے ہوں عشا کی نماز پڑھیں، پھر صبح کو آئے جس وقت خوب روشنی ہوگئی جبرائیل نے کہا : کھڑے ہوں صبح کی نماز پڑھیں، پھر فرمایا : ان دونوں وقتوں کے درمیان نماز کا وقت ہے۔