(١٧٢٠٠) محمد بن یحییٰ بن حبان سے روایت ہے کہ واسع بن حبان کے چچا کے غلام نے پڑوسی کے باغ سے کھجور کا چھوٹا سا پودا چوری کرلیا اور اسے اپنی زمین میں لگا دیا۔ فیصلہ مروان کے پاس آگیا۔ انھوں نے ہاتھ کاٹنے کا حکم دے دیا۔ ان کے مولا رافع بن خدیج کے پاس آگئے اور سارا واقعہ سنایا تو آپ نے فرمایا : اس میں ہاتھ نہیں کٹے گا۔ پھر اس آدمی کے ساتھ مروان کے پاس آئے اور اسے بیان کیا کہ نبی (صلی اللہ علیہ وآلہ وسلم) نے فرمایا : پھل وغیرہ میں ہاتھ نہیں کاٹا جائے گا۔