(١٧٣٢٣) وائل بن حجر کہتے ہیں کہ صبح منہ اندھیرے ایک عورت مسجد کی طرف آرہی تھی کہ ایک شخص اس پر واقع ہوگیا اور بھاگ گیا۔ دوسرے کونے والے شخص سے اس نے مدد طلب کی تو وہ اس کے پیچھے دوڑ پڑا۔ اتنے میں ایک لوگوں کی جماعت آگئی تو اس عورت نے ان سے مدد طلب کی تو انھوں نے اس شخص کو پکڑ لیا جو مدد کرنے آیا تھا اور اسے لے کر نبی (صلی اللہ علیہ وآلہ وسلم) کے پاس آگئے وہ شخص کہنے لگا : وہ تو بھاگ گیا میں تو مدد کرنے آیا تھا، لیکن وہ لوگ اور وہ عورت اس کے خلاف گواہی دینے لگے کہ یہی ہے تو آپ (صلی اللہ علیہ وآلہ وسلم) نے اسے رجم کا حکم دے دیا قوم میں وہ زانی شخص بھی تھا۔ اس نے کہا : اسے چھوڑ دو ، یہ کام میں نے کیا ہے تو ان تینوں کو نبی (صلی اللہ علیہ وآلہ وسلم) کے پاس لایا گیا تو آپ نے عورت کو کہا : اللہ نے تجھے معاف کردیا ہے اور مدد کرنے والے کے لیے اچھی بات کہی اور زنا کرنے والے کے لیے حضرت عمر نے کہا : اسے رجم کر دو تو نبی (صلی اللہ علیہ وآلہ وسلم) نے فرمایا : نہیں اس نے ایسی توبہ کی ہے اگر اہل مدینہ یا یثرب والے ایسی توبہ کرلیں تو سب معاف کردیے جائیں۔