(١٧٣٣٤) زید بن ثابت (رض) سے روایت ہے کہ اس کا چچا شراب بیچتا ہے اور وہ اس سے صدقہ کرتا تھا۔ میں اس کو منع کرتا تھا۔ وہ اس سے نہیں رکا۔ میں مدینے کی طرف گیا۔ وہاں میں ابن عباس (رض) سے ملا۔ میں نے آپ (رض) سے شراب اور اس کی قیمت کے متعلق پوچھا۔ ابن عباس (رض) نے فرمایا : شراب حرام ہے اور اس کی قیمت بھی حرام ہے۔ ابن عباس نے کہا : اے امت محمدیہ کے معاشرے کے لوگو ! اگر تمہاری کتاب کے بعد کتاب ہوتی اور تمہارے نبی کے بعد نبی ہوتا البتہ وہ نازل ہوتا تم میں سے جس طرح نازل ہوئے تم سے پہلے اور نہیں مؤخر کیا جائے گا تمہارے معاملے کو قیامت کے دن تک البتہ میری عمر کی قسم ! ہے یہ تم پر زیادہ سخت ہے۔
حضرت ثابت فرماتے ہیں : پھر میں عبداللہ بن عمر (رض) کو ملا میں نے ان سے شراب کے بارے میں پوچھا : آپ (رض) نے فرمایا : عنقریب میں آپ کو شراب کے متعلق بتاؤں گا۔ مسجد میں میں رسول اللہ (صلی اللہ علیہ وآلہ وسلم) کے ساتھ تھا۔ آپ (صلی اللہ علیہ وآلہ وسلم) ہمارے درمیان تھے ۔ وہ پیٹھ اور پنڈلیوں کو ملا کر باندھا ہوا تھا۔ پھر اس کو کھول دیا اور فرمایا : جس کے پاس بھی شراب میں سے کوئی چیز ہے وہ لے آؤ، وہ شراب کو لے آئے ان میں سے ایک نے کہا : میرے پاس راویہ ہے۔ دوسرے نے کہا : میرے پاس زق ہے تو رسول اللہ (صلی اللہ علیہ وآلہ وسلم) نے فرمایا : بقیع میں جمع کر دو اور پھر مجھے اطلاع کر دو ۔ پھر آپ آئے اور میں بھی آپ کے ساتھ تھا : میں آپ کے ساتھ دائیں طرف کھڑا ہوا تو آپ مجھ پر ٹیک لگا کر کھڑے ہوگئے تو ابوبکر بھی آگئے، آپ نے انھیں دائیں طرف کرلیا اور مجھے بائیں طرف۔ پھر عمر آئے تو ان کو بھی اپنے بائیں طرف کرلیا۔ پھر ان دونوں کے درمیان آپ شراب کے پاس آئے، پوچھا : جانتے ہو یہ کیا ہے ؟ کہنے لگے : جی ہاں، شراب۔ فرمایا : تم سچ کہتے ہو، اللہ نے شراب، اس کو نچوڑنے والے، جس کے لیے نچوڑی جائے، پینے والے، پلانے والے تمام پر لعنت فرمائی ہے۔ پھر ایک چھڑی منگوائی اور فرمایا : اس کو بہادو انھوں نے ایسے ہی کیا اور آپ (صلی اللہ علیہ وآلہ وسلم) ان شراب کے مشکیزوں کو پھاڑنے لگے تو لوگوں نے کہا : یا رسول اللہ ! یہ تو عام استعمال کی اشیاء ہیں۔ فرمایا : ہاں لیکن میں اس لیے کررہا ہوں کہ اس میں اللہ کی ناراضگی ہے۔ حضرت عمر (رض) نے فرمایا : میں آپ کو کافی ہوں یا رسول اللہ ! فرمایا : نہیں۔