(١٧٣٦٦) حضرت دیلم حمیری فرماتے ہیں : میں نے اللہ کے رسول سے سوال کیا : اے اللہ کے رسول ! ہم ٹھنڈی زمین میں رہتے ہیں، زیادہ کام کرنے کے لیے ہم گیہوں سے مشروب بناتے ہیں تاکہ ہم زیادہ کام کریں۔ ہمارے شہر میں ایسے ہوتا ہے۔ آپ نے فرمایا : کیا اس میں نشہ ہے ؟ کہا : جی ہاں۔ آپ نے فرمایا : اس سے بچو، پھر میں اس کو آپ کے سامنے لایا اور کہا : اس کی مثل ہے آپ نے فرمایا : اس میں نشہ ہے ؟ انھوں نے کہا : جی ہاں ! آپ نے فرمایا : اس سے بچو۔ پھر میں نے کہا : لوگ نہیں چھوڑتے آپ (صلی اللہ علیہ وآلہ وسلم) نے فرمایا : اگر وہ نہ چھوڑیں تو انھیں قتل کر دو ۔