(١٧٧١٦) حضرت خیثمہ (رح) فرماتے ہیں کہ ایک شخص نے حضرت عبداللہ بن مسعود (رض) کے سامنے پر سورة الفتح کی تلاوت کی۔ جب وہ اس مقام پر پہنچا : { کَزَرْعٍ اَخْرَجَ شَطْئَہٗ فَاٰزَرَہٗ فَاسْتَغْلَظَ فَاسْتَوٰی عَلٰی سُوقِہٖ یُعْجِبُ الزُّرَّاعَ لِیَغِیْظَ بِہِمُ الْکُفَّارَ۔۔۔} [الفتح ٣٩] تو انھوں نے کہا : لِیَغِیْظَ بِہِمُ الْکُفَّارَ سے مراد ہے کہ اللہ نبی اور اس کے اصحاب سے کفار کو غصہ دلائے۔ پھر حضرت عبداللہ (رض) نے کہا : ( (انتم الزرع قددنا حصادہ) ) کہ تم کھیتی ہو جس کے کاٹنے کا وقت قریب آگیا ہے۔
امام شافعی (رح) نے اللہ تعالیٰ کے اس قول کے متعلق فرمایا : { کُنْتُمْ خَیْرَ اُمَّۃٍ اُخْرِجَتْ لِلنَّاسِ } [آل عمران ١١٠] اللہ تعالیٰ نے اس امت کو اس لیے فضیلت دی ہے کہ وہ نبی (صلی اللہ علیہ وآلہ وسلم) کی امت ہے نہ کہ سابقہ انبیاء کی امتوں کی وجہ سے۔