(١٧٨٤٩) عبداللہ بن کعب بن مالک انصاری فرماتے ہیں کہ انصار کا لشکر اپنے امیر کے ساتھ فارس میں تھا اور حضرت عمر (رض) کا معمول تھا کہ ایک سال بعد لشکر کو واپس بلاتے تھے۔ حضرت عمر (رض) ان سے غافل ہوگئے۔ جب مقررہ وقت گزر گیا تو سرحد والے لوگ لوٹ آئے۔ امیر نے ان پر سختی کی اور ڈرایا اور یہ لوگ رسول اللہ (صلی اللہ علیہ وآلہ وسلم) نے صحابی تھے۔ انھوں نے عمر (رض) سے کہا : آپ ہم سے غافل ہوگئے اور آپ نے ہمارے بارے میں نبی (صلی اللہ علیہ وآلہ وسلم) کے حکم کو ترک کردیا کہ لشکر کو تھوڑا تھوڑا کر کے واپس لایا جائے۔