(١٧٨٦٧) ابن اسحاق غزوہ تبوک کے بارے میں فرماتے ہیں : جب رسول اللہ (صلی اللہ علیہ وآلہ وسلم) ثنیہ (گھاٹی) پر پہنچے تو آپ کے ایلچی نے اعلان کیا کہ وادی کے درمیانی حصہ پر قبضہ کرلیں۔ وہ تمہارے لیے وسیع جگہ ہے۔ آپ (صلی اللہ علیہ وآلہ وسلم) ثنیہ پر چلے گئے آپ کے ساتھ حذیفہ بن یمان، عمار بن یاسر (رض) تھے اور رسول اللہ (صلی اللہ علیہ وآلہ وسلم) ناپسند کرتے تھے کہ کوئی ثنیہ کے بارے میں ان سے مقابلہ کرے۔ جب منافقین کے گروہ نے یہ نداء سنی تو یہ پیچھے ہٹ گئے اور منافقین نے ان کی پیروی کی۔ ان کے جانے کے بعد جب آپ (صلی اللہ علیہ وآلہ وسلم) نے لوگوں کے خیالات سنے تو اپنے ایک ساتھ سے کہا : (ان کے منہ پر مارو) جب منافقین نے یہ سنا اور دیکھا کہ ایک آدمی ان کی طرف آ رہا ہے جو حذیفہ بن یمان تھے تو سب نیچے اتر آئے۔ ایک سواریوں کو مارنے لگا اور انھوں نے کہا : ہم احمد کے ساتھی ہیں وہ نقاب پوش تھے ان کی صرف آنکھیں نظر آتی تھیں۔ جب آپ کا ساتھی آیا قوم کے اترنے کے بعد تو آپ (صلی اللہ علیہ وآلہ وسلم) نے پوچھا : کیا تو نے گروہ کو پہچانا تھا تو اس نے کہا : میں نے ان کو نہیں پہچانا مگر ان کی سواریوں کو پہچانا ہے تو نبی (صلی اللہ علیہ وآلہ وسلم) ثنیہ سے اترے اور ساتھیوں سے کہا : ” کیا تم جانتے ہو یہ لوگ کیا چاہتے ہیں ؟ یہ ثنیہ کے بارے میں مجھ سے جھگڑا کرتے ہیں تاکہ وہ مجھے اس سے ہٹا دیں۔ “ تو ساتھیوں نے کہا : کیا آپ ہم کو حکم دیتے ہیں کہ ہم ان کی گردن مار دیں۔ جب وہ آپ کے پاس آئیں ؟ تو آپ نے فرمایا : ” میں پسند نہیں کرتا کہ لوگ باتیں کریں کہ محمد اپنے ساتھیوں کو قتل کرتا ہے۔ “