(١٧٩١٤) حضرت عبداللہ (رض) فرماتے ہیں : جس وقت طائف والوں کا محاصرہ کیا گیا اور نتیجتاً کچھ حاصل نہ ہوا تو رسول اللہ (صلی اللہ علیہ وآلہ وسلم) نے فرمایا : ” ہم انشاء اللہ کل واپس جائیں گے “ تو مسلمانوں نے کہا : کیسے واپس جائیں ہم کامیاب تو ہوئے نہیں تو رسول اللہ (صلی اللہ علیہ وآلہ وسلم) نے فرمایا : ” صبح لڑائی کے لیے تیار رہو “ صبح انھوں نے ان پر حملہ کیا تو ان کو زخم لگے تو رسول اللہ (صلی اللہ علیہ وآلہ وسلم) نے فرمایا : ” ہم کل واپس جائیں گے “ تو لوگوں نے اس کو پسند کیا تو رسول اللہ (صلی اللہ علیہ وآلہ وسلم) مسکرا دیے۔