(١٨١٦١) ابو بردہ بن ابی موسیٰ اپنے والد سے نقل فرماتے ہیں کہ رسول اللہ (صلی اللہ علیہ وآلہ وسلم) جب غزوہ حنین سے فارغ ہوئے تو ابو عامر کو لشکر اوطاس پر روانہ کردیا۔ وہ درید بن صمہ سے جا ملے جو قتل ہوچکا تھا۔ اللہ نے اس کے ساتھیوں کو شکست دے دی تھی۔ اس نے حدیث ذکر کی ہے۔ حضرت ابو موسیٰ فرماتے ہیں : جب میں نبی (صلی اللہ علیہ وآلہ وسلم) کے پاس واپس آیا۔ آپ (صلی اللہ علیہ وآلہ وسلم) گھر میں باریک بنائی ہوئی چارپائی پر لیٹے ہوئے تھے جس کے نشانات آپ (صلی اللہ علیہ وآلہ وسلم) کی کمر مبارک اور پہلوؤں پر تھے تو میں نے اپنی اور ابو عامر کی خبر آپ (صلی اللہ علیہ وآلہ وسلم) کو دی۔