(١٨١٧٤) ابو مرہ عقیل بن ابی طالب کے غلام فرماتے ہیں کہ ام ہانی نے اپنے دو مشرک دیوروں کو پناہ دی تو حضرت علی (رض) نے دونوں کے قتل کا ارادہ کیا اور کہا : تو نے مشرکین کو کیوں پناہ دی ہے۔ ام ہانی نے کہا : ان کے قتل سے پہلے مجھے قتل کرو۔ جانے لگی تو فرمایا : ان کا دروازہ بند کر دو ۔ رسول اللہ (صلی اللہ علیہ وآلہ وسلم) کے پاس جا کر خبر دی تو آپ (صلی اللہ علیہ وآلہ وسلم) نے فرمایا : اسے کیا ہے اے ام ہانی ! جس کو تو نے امن دیا ہم بھی امن دیتے ہیں۔ جس کو تو نے پناہ دی ہم بھی پناہ دیتے ہیں۔