(١٨٢٣٠) سہل بن سعد فرماتے ہیں کہ میں نے رسول اللہ (صلی اللہ علیہ وآلہ وسلم) سے خیبر کے دن سنا، آپ (صلی اللہ علیہ وآلہ وسلم) فرما رہے تھے کہ کل میں جھنڈا ایسے شخص کو دوں گا جس کے ہاتھ پر اللہ فتح عطا فرمائیں گے۔ لوگ رات کو باتیں کرتے رہے کہ جھنڈا کس کو دیا جائے گا۔ صبح کے وقت لوگ رسول اللہ (صلی اللہ علیہ وآلہ وسلم) کے پاس اس امید سے گئے کہ جھنڈا انھیں دیا جائے۔ رسول اللہ (صلی اللہ علیہ وآلہ وسلم) نے فرمایا : علی بن ابی طالب کہاں ہے ؟ صحابہ نے کہا : اے اللہ کے رسول ! اس کی آنکھیں خراب ہیں۔ آپ (صلی اللہ علیہ وآلہ وسلم) نے اسے بلوایا اور آنکھوں میں لعاب دہن ڈالا اور اس کے لیے دعا کی۔ وہ اسی وقت تندرست ہوگئے گویا کہ انھیں بیماری تھی ہی نہیں تھی۔ آپ (صلی اللہ علیہ وآلہ وسلم) نے اس کو جھنڈا دیا تو اس نے کہا : اے اللہ کے رسول ! کیا ہم ان سے لڑائی کریں یہاں تک کہ وہ ہماری طرح ہوجائیں۔ پھر ان کو اسلام کی دعوت دو اور ان کو خبر دو کہ کیا چیز ان پر حقوق سے واجب ہے۔ اللہ کی قسم ! اگر اللہ تیری وجہ سے کسی ایک شخص کو ہدایت دے تو یہ تیرے لیے سرخ اونٹوں سے بہتر ہے۔