(١٨٢٤٩) نافع حضرت عبداللہ بن عمر (رض) سے نقل فرماتے ہیں کہ وہ اپنے گھوڑے پر سوار تھے۔ جب مسلمانوں نے قبیلہ طینا اور اسد سے لڑائی کی۔ مسلمانوں کے امیر خالد بن ولید تھے۔ جنہیں حضرت ابوبکر نے مقرر فرمایا تھا۔ جرف نامی جگہ پر حضرت عبداللہ بن عمر (رض) کا گھوڑا بدکا۔ اس نے حضرت عبداللہ بن عمر (رض) کو گرا دیا۔ گھوڑا بھاگ گیا تو دشمن نے اسے پکڑ لیا۔ جب دشمن کو اللہ نے شکست دی تو خالد بن ولید نے حضرت عبداللہ بن عمر (رض) کو گھوڑا واپس کردیا۔
نوٹ : غلام کی واپسی نبی (صلی اللہ علیہ وآلہ وسلم) کے دور میں ہوئی اور گھوڑا بعد میں واپس کیا گیا تاکہ یحییٰ بن زکریا بن ابی زائدہ کی روایت کے موافق ہوجائے۔ ان روایات میں تقسیم کا تذکرہ نہیں ہے۔