(١٨٢٨٩) ابو شریح خزاعی فرماتے ہیں کہ صحابہ فتح مکہ کے دن ہذیل کے افراد سے ملے، وہ حرم میں جاہلیت کے انتقام کا مطالبہ کر رہے تھے۔ اس شخص کا ارادہ تھا کہ وہ رسول اللہ (صلی اللہ علیہ وآلہ وسلم) کی اسلام پر بیعت کرے، لیکن صحابہ نے اسے قتل کردیا۔ رسول اللہ (صلی اللہ علیہ وآلہ وسلم) کو خبر ملی تو غصے ہوئے۔ بنو بکر نے ابوبکر (رض) ، عمر (رض) کے پاس شکایت کی کہ وہ رسول اللہ (صلی اللہ علیہ وآلہ وسلم) سے سفارش کریں۔ جب شام کا وقت ہوا تو رسول اللہ (صلی اللہ علیہ وآلہ وسلم) نے خطبہ ارشاد فرمایا : اللہ کی حمد وثنا بیان کی۔ پھر فرمایا : اللہ نے مکہ کو حرمت والا بنایا ہے۔ لوگوں کے لیے حلال نہیں کیا یا فرمایا کہ لوگوں نے اسے حرام قرار نہ دیا۔ یہ صرف میرے لیے ایک گھڑی حلال قرار دیا گیا۔ پھر اللہ نے اس کو پہلے کی طرح حرام ہی قرار دے دیا اور لوگوں کا تین کام کرنا ظلم ہے : 1 کسی شخص کو حرم میں قتل کرنا 2 کسی غیر قاتل انسان کو قتل کرنا 3 جاہلیت کے بدلے کا مطالبہ کرنا۔ اللہ کی قسم ! جس شخص کو تم نے قتل کیا ہے میں اس کی دیت ادا کروں گا۔ ابو شریح کہتے ہیں کہ پھر رسول اللہ (صلی اللہ علیہ وآلہ وسلم) نے اس کی دیت ادا کی۔