(١٨٣٨) سیدنا معاذ بن جبل (رض) سے روایت ہے کہ نماز کی تین حالتیں ہیں : پہلی قبلے کی حالت ، دوسری مسبوق کی نماز اور تیسری اذان کی حالت کے درمیان۔ پھر فرمایا : لوگ نماز کے لیے جمع ہوتے تھے اور ایک دوسرے کو اطلاع دے دیتے تھے، پھر انھوں نے ناقوس بنایا یا فرمایا : قریب تھا کہ وہ ناقوس بناتے، پھر ایک شخص جس کا نام عبداللہ بن زید تھا، نبی (صلی اللہ علیہ وآلہ وسلم) کے پاس آیا اور کہا : اے اللہ کے رسول ! میں ہلکی نیند میں تھا، میں نے ایک شخص کو دیکھا جس پر دو سبز کپڑے تھے وہ کھڑا ہوا اور قبلے کی طرف منہ کیا اور کہا : اللَّہُ أَکْبَرُ اللَّہُ أَکْبَرُ ۔۔۔ یہاں تک کہ دو دو مرتبہ اذان سے فارغ ہوگیا، پھر اذان کے آخر میں کہا : اللَّہُ أَکْبَرُ اللَّہُ أَکْبَرُ لاَ إِلَہَ إِلاَّ اللَّہُ پھر کچھ دیر رکا رہا، پھر کھڑا ہوا اور اس کی مثل کہا لیکن۔ قَدْ قَامَتِ الصَّلاَۃُ قَدْ قَامَتِ الصَّلاَۃُ ۔ اضافہ کیا رسول اللہ (صلی اللہ علیہ وآلہ وسلم) نے فرمایا : یہ بلال (رض) کو سکھا دے، جس نے سب سے پہلے اذان دی وہ سیدنا بلال (رض) تھے، پھر سیدنا عمربن خطاب (رض) آئے اور عرض کیا : اے اللہ کے رسول ! میرے پاس بھی ایک شخص نے چکر لگایا جس طرح عبداللہ بن زید (رض) کے پاس چکر لگایا تھا مگر وہ مجھ سے سبقت لے گئے۔