(١٨٣٧٩) قیس بن ابی حازم فرماتے ہیں کہ حضرت عمر (رض) نے جریر اور اس کی قوم کو سواد کا چوتھائی حصہ عطا کردیا۔ انھوں نے دو یا تین سال جزیہ وصول کیا، پھر جریر اور عمار بن یاسر حضرت عمر (رض) کے پاس گئے تو انھوں نے فرمایا : اے جریر ! اگر تقسیم کے بارے میں مجھ سے سوال کیا نہ جاتا تو میں تمہیں اسی حالت پر برقرار رکھتا۔ لیکن اب تم یہ مسلمانوں کو واپس کر دو تو جریر نے سواد کا چوتھائی حصہ واپس کردیا، اس کے عوض حضرت عمر (رض) نے انھیں اسی دینار عطا کیے۔