(١٨٤٤٠) حضرت جابر (رض) فرماتے ہیں کہ غزوہ احزاب کے دن رسول اللہ (صلی اللہ علیہ وآلہ وسلم) نے فرمایا : لوگوں کی خبر میرے پاس کون لائے گا ؟ زبیر (رض) نے کہا : میں۔ آپ (صلی اللہ علیہ وآلہ وسلم) نے پھر فرمایا : میرے پاس قوم کی خبر کون لائے گا ؟ زبیر (رض) نے کہا : میں۔ آپ (صلی اللہ علیہ وآلہ وسلم) نے پھر فرمایا : میرے لیے لوگوں کی جاسوسی کون کرے گا۔ زبیر (رض) نے کہا : میں کروں گا۔ آپ (صلی اللہ علیہ وآلہ وسلم) نے فرمایا : ہر نبی (صلی اللہ علیہ وآلہ وسلم) کا حواری ہوتا ہے اور میرا حواری زبیر (رض) ہے۔