(١٨٤٨٢) اکثم بن جون خزاعی فرماتے ہیں کہ رسول اللہ (صلی اللہ علیہ وآلہ وسلم) نے فرمایا : اے اکثم بن جون ! اپنی قوم کے علاوہ کسی اور کے ساتھ غزوہ کرو۔ آپ کا اخلاق اچھا ہوگا اور اپنے ساتھیوں کی عزت کرو۔ اے اکثم بن جون بہترین ساتھی چار ہیں اور بہتر ہر اول دستہ ٤٠ افراد کا ہے اور بہتر سریہ ٤ سو اشخاص کا ہے اور بہترین لشکر چار ہزار کا ہے اور ١٢ ہزار کا لشکر قلت کی وجہ سے شکست نہ دیا جائے گا۔ اے اکثم بن جون ! تو دو سو افراد کا ساتھی نہ بن۔