(٩٩ ١٨٤) عبداللہ بن سلام فرماتے ہیں کہ صحابہ کہنے لگے : کسی کو رسول اللہ (صلی اللہ علیہ وآلہ وسلم) کے پاس بھیجو کہ وہ پوچھے کہ اللہ کو کون سے اعمال پسندیدہ ہیں ؟ راوی کہتے ہیں : کوئی بھی آپ کے پاس نہ گیا۔ ہم نے آپ سے پوچھنا مؤخر کردیا۔ آپ نے اس گروہ کے ایک ایک فرد کو بلایا حتی کہ وہ سب جمع ہوگئے تو ان کے بارے میں یہ سورة نازل ہوئی : { سَبَّحَ لِلَّہِ مَا فِی السَّمٰوٰتِ وَالْاَرْضِ وَہُوَ الْعَزِیْزُ الْحَکِیْم } [الحدید ١]
عبداللہ بن سلام کہتے ہیں کہ رسول اللہ (صلی اللہ علیہ وآلہ وسلم) نے مکمل سورت ہمارے سامنے پڑھی۔ ابوسلمہ کہتے ہیں کہ عبداللہ بن سلام نے ہمارے سامنے مکمل سورت پڑھی۔ یحییٰ بن ابی کثیر کہتے ہیں کہ ابو مسلمہ نے وہ سورت پوری ہمارے سامنے پڑھی اور اوزاعی کہتے ہیں : یحییٰ نے وہ سورة مکمل پڑھی۔ عباس (رض) کہتے ہیں کہ میرے والد نے کہا کہ اوزاعی نے بھی مکمل سورت تلاوت کی۔