(١٨٥٦٠) حضرت انس (رض) فرماتے ہیں کہ رسول اللہ (صلی اللہ علیہ وآلہ وسلم) سب لوگوں سے بڑھ کر حسین تھے۔ سب لوگوں سے زیادہ سخی اور تمام لوگوں سے زیادہ بہادر تھے۔ ایک رات اہل مدینہ گھبرا گئے۔ تمام لوگ آواز کی جانب لپکے۔ وہاں انھوں نے نبی معظم (صلی اللہ علیہ وآلہ وسلم) کو موجود پایا۔ آپ تمام لوگوں سے پہلے آواز کی طرف پہنچ گئے تھے اور آپ فرما رہے تھے : ڈرو نہیں، ڈرو نہیں۔ آپ ابو طلحہ کے گھوڑے کی ننگی پیٹھ پر سوار تھے۔ اس پر زین نہ تھی نیز آپ کی گردن میں تلوار لٹک رہی تھی۔ پھر آپ نے فرمایا : میں نے اس گھوڑے کو سمندر کی طرح تیز رفتار پایا۔