(١٨٥٨٥) اسامہ بن زید (رض) فرماتے ہیں کہ نبی (صلی اللہ علیہ وآلہ وسلم) نے عثمان بن عفان (رض) اور اسامہ بن زید (رض) کو اپنی بیٹی رقیہ کی تیمارداری کے لیے بدر سے پیچھے چھوڑا تو زید بن حارثہ نبی (صلی اللہ علیہ وآلہ وسلم) کی اونٹنی عضباء پر فتح کی خوشخبری لیکر آئے۔ اسامہ (رض) فرماتے ہیں کہ میں نے گھبراہٹ والی آواز سنی تو میں باہر آیا، وہ زید بن حارثہ تھے جو فتح کی خوشخبری لیکر آئے تھے۔ اللہ کی قسم ! میں نے قیدی دیکھ کر اس کی تصدیق کی تو نبی (صلی اللہ علیہ وآلہ وسلم) نے حضرت عثمان بن عفان (رض) کے لیے بدر کا حصہ مقرر فرمایا۔