(١٨٦٤٠) ابو بشر اللہ کے اس فرمان کے بارے میں سعید بن جبیر (رض) سے نقل فرماتے ہیں : { لاَ إِکْرَاہَ فِی الدِّینِ } [البقرۃ ٢٥٦] کہ اسلام میں زبردستی نہیں ہے۔ فرماتے ہیں : یہ انصار کے بارے میں نازل ہوئی۔ میں نے پوچھا : خاص انصار کے متعلق ؟ فرمایا : خاص انصار کے بارے میں۔ ان کی ایک عورت جب نذر مانتی کہ اگر اس نے بچہ جنم دیا تو اس کو یہود کے ساتھ ملا دیگی وہ اس کی لمبی زندگی کی متلاشی تھی۔ جب اسلام آیا تو بعض لوگ اس طرح کے تھے۔ جب بنو نضیر جلا وطن کیے گئے تو انصار نے کہا : اے اللہ کے رسول (صلی اللہ علیہ وآلہ وسلم) ! ہمارے بیٹے اور بھائی ان میں موجود ہیں۔ رسول اللہ (صلی اللہ علیہ وآلہ وسلم) خاموش ہوگئے تو یہ آیت نازل ہوئی۔ { لاَ إِکْرَاہَ فِی الدِّینِ } [البقرۃ ٢٥٦] تو رسول اللہ (صلی اللہ علیہ وآلہ وسلم) نے فرمایا : تمہارے ان لوگوں کو اختیار دیا گیا ہے اگر ان کے ساتھ رہنا چاہیں تو جلا وطن کر دو ۔ اگر تمہارے پاس رہنا چاہیں تو رہ سکتے ہیں۔