(١٨٦٤٨) سعید بن جبیر (رض) حضرت عبداللہ بن عباس (رض) سے نقل فرماتے ہیں کہ رسول اللہ (صلی اللہ علیہ وآلہ وسلم) نے ابو طالب کی تیمارداری فرمائی۔ اس وقت ان کے پاس قریشی لوگ تھے۔ جب آپ کھڑے ہوئے تو ابو جہل آپ کی جگہ بیٹھ کر کہنے لگا : آپ کا بھتیجا ہمارے معبودوں کا تذکرہ کرتا تھا تو ابو طالب نے کہا : آپ کی قوم شکایت کر رہی ہے۔ آپ نے فرمایا : اے چچا ! میرا ارادہ ہے کہ اس بات کو اہل عرب قبول کرلیں تو عجم والے ان کو جزیہ دیں گے۔ پوچھا : کون سی بات ؟ آپ نے فرمایا : اس بات کی گواہی دے دیں کہ اللہ کے علاوہ کوئی معبود نہیں تو انھوں نے کہا : کیا آپ نے صرف ایک ہی معبود بنادیا ؟ پھر سورة ص کی آیات نازل ہوئیں : { صٓ وَالْقُرْاٰنِ ذِی الذِّکْرِ } { اِنَّ ہٰذَا لَشَیْئٌ عُجَابٌ } [صٓ: ١-٥] تک۔