(١٨٦٥٠) فروہ بن نوفل اشجعی نے کہا : آپ مجوس سے جزیہ کیوں لیں گے حالانکہ وہ اہل کتاب نہیں ؟ تو مستورد نے کہا : اے اللہ کے دشمن ! آپ ابوبکر (رض) ، عمر (رض) اور حضرت علی (رض) پر تنقید کرتے ہیں کہ انھوں نے ان سے جزیہ وصول کیا۔ جب وہ شاہی محل میں گئے تو حضرت علی (رض) ان کے پاس آئے۔ راوی کہتے ہیں کہ وہ دونوں محل کے سائے میں بیٹھ گئے تو حضرت علی (رض) نے فرمایا : میں مجوس کے متعلق جانتا ہوں کہ وہ علم سکھاتے تھے اور کتاب پڑھاتے تھے۔ ان کے بادشاہ نے حالتنشہ میں اپنی بیٹی یا بہن سے زنا کرلیا۔ جس کا علم بعض لوگوں کو ہوگیا تو وہ حد کے نفاذ کے لیے آئے۔ انھوں نے ان کو روک دیا۔ پھر اس نے اپنے لوگوں کو بلا کر کہا کہ کیا آدم کے دین سے بہتر بھی کوئی دین ہے، جس میں وہ اپنے بیٹوں کا نکاح اپنی بیٹیوں سے کردیتے تھے، میں آدم کے دین پر ہوں۔ راوی کہتے ہیں : انھوں نے اس کی بیعت کی اور اپنے نفسوں کو قتل کردیا اور انھیں کتابوں سمیت قیدی بنایا گیا تو انھیں کے درمیان سے ان کو اٹھا لیا گیا۔ ان کا علم ختم کردیا گیا وہ اہل کتاب تھے۔ ان سے رسول اللہ (صلی اللہ علیہ وآلہ وسلم) ، ابوبکر (رض) اور عمر (رض) نے جزیہ وصول کیا۔