(١٨٧١٠) کعب بن علقمہ فرماتے ہیں کہ غرفہ بن حارث کندی کا ایک عیسائی کے پاس سے گذر ہوا اس نے اسے اسلام کی دعوت دی۔ اس نے نبی (صلی اللہ علیہ وآلہ وسلم) کے بارے میں کچھ باتیں کیں تو غرفہ نے اس کی ناک پر تھپڑ رسید کردیا۔ معاملہ حضرت عمرو بن عاص (رض) کے پاس آیا تو حضرت عمرو (رض) نے کہہ دیا : ہم نے ان کو عہد دے رکھا ہے تو غرفہ کہنے لگے : اللہ کی پناہ اگرچہ وہ نبی (صلی اللہ علیہ وآلہ وسلم) کو کھلم کھلا گالیاں دیں ۔ صرف ہمارا ان سے عہد ہے کہ وہ اپنے معبد خانے میں رہیں ، جیسے بھی عبادت کریں۔ ہم ان پر وہ بوجھ نہیں ڈالتے جس کی وہ طاقت نہیں رکھتے۔ اگر ان کا دشمن ہم سے ان کے ورے لڑائی کرنا چاہے تو ہم ان کو ان کے احکام کی وجہ سے چھوڑ دیں مگر جب تک وہ ہمارے حکموں پر راضی نہ ہوں تو ہم ان کے درمیان اللہ اور رسول (صلی اللہ علیہ وآلہ وسلم) کے احکام جاری کریں گے۔ اگر وہ ہم سے غائب رہیں تو ہم ان کے درپے نہ ہوں گے تو عمرو (رض) نے کہا : تو نے سچ کہا ہے اور غرفہ صحابی ہیں۔