(١٨٧٣٨) حضرت عبداللہ بن عباس (رض) فرماتے ہیں کہ میں حضرت عمر (رض) کے پاس آیا، وہ اپنے ہاتھوں کو الٹ پلٹ کر رہتے تھے۔ میں نے پوچھا : اے امیر المومنین ! یہ کیا ہے ؟ فرماتے ہیں کہ عراق کے عامل نے شراب، خنزیر کی قیمتیں مال فئے میں شامل کردی ہیں۔ کیا آپ جانتے نہیں کہ رسول اللہ (صلی اللہ علیہ وآلہ وسلم) نے فرمایا : اللہ یہود پر لعنت فرمائے، اللہ نے ان پر چربی کو کھانا حرام قرار دیا۔ پھر انھوں نے پگھلا کر فروخت کر کے اس کی قیمت کو کھایا۔ سفیان کہتے ہیں کہ ان سے جزیہ میں شراب وخنزیر وصول نہ کرو، بلکہ ان کو فروخت کرنے دو ۔ ان کی قیمت جزیہ میں وصول کرلو۔