(١٨٧٨٢) عمر بن عثمان بن عبد الرحمن بن سعید مخزومی اپنے والد سے اور وہ اپنے دادا سے نقل فرماتے ہیں کہ رسول اللہ (صلی اللہ علیہ وآلہ وسلم) نے فتح مکہ کے دن فرمایا : چار افراد کو حرم اور حلت میں بھی پناہ نہیں ہے۔ 1 حویرث بن نقید، 2 مقیس، 3 ھلال بن خطل، 4 عبداللہ بن ابی سرح۔ حویرث کو حضرت علی (رض) نے قتل کردیا، مقیس کو اس کے چچا کے بیٹے لخا نے قتل کردیا، ھلال بن خطل کو حضرت زبیر (رض) نے قتل کردیا۔ عبداللہ بن ابی سرح کو حضرت عثمان بن عفان (رض) نے رضاعی بھائی ہونے کی وجہ سے پناہ دے دی۔ مقیس کی دو گانے والی لونڈیاں تھیں۔ ایک کو قتل کردیا گیا ، دوسری کو چھوڑ دیا گیا، وہ مسلمان ہوگئی۔