(١٨٧٩٣) عیاض بن حمارفرماتے ہیں : میں نے رسول اللہ (صلی اللہ علیہ وآلہ وسلم) کو اونٹنی تحفہ میں دی یا کوئی تحفہ دیا۔ آپ نے پوچھا : مسلمان ہوگئے ہو ؟ میں نے کہا : نہیں ، آپ نے فرمایا : میں مشرکین کے تحفے قبول نہیں کرتا۔ (ب) عیاض بن حمار کہتے ہیں : میں رسول اللہ (صلی اللہ علیہ وآلہ وسلم) کو کوئی ہدیہ یا اونٹنی دی۔ آپ نے پوچھا کہ مسلمان ہو ؟ میں نے کہا : نہیں تو آپ نے تحفہ قبول کرنے سے انکار کردیا اور فرمایا : ہم مشرکین کے تحفے قبول نہیں کرتے۔ میں نے حسن سے پوچھا : مشرکین کے تحفے کیا ہیں ؟ فرمایا : ان کے عطیے۔
شیخ فرماتے ہیں : اس کا تحفہ حرمت یا تنزیہ کی وجہ سے رد کردیا، اس غصے کی وجہ سے کہ انھوں نے اسلام قبول نہیں کیا۔ حالانکہ مشرکین کے تحفے قبول کرنے کے بارے میں صحیح اور کثرت سے روایات موجود ہیں۔