(١٨٨٢٨) ابو جحیفہ کہتے ہیں کہ میں نے حضرت علی (رض) سے کہا : اے امیر المومنین ! کیا آپ کے پاس وحی سے کوئی خاص چیز ہے ؟ انھوں نے کہا : کچھ بھی نہیں، اس ذات کی قسم جس نے دانے کو پھاڑا اور روح کو پیدا فرمایا، صرف اس میں سوجھ بوجھ تو اللہ کسی انسان کو عطا کرتا ہے اور جو اس صحیفہ میں ہے ؟ میں نے پوچھا : صحیفہ میں کیا ہے ؟ تو فرمانے لگے : دیت اور قیدیوں کی آزادی کے بارے میں اور یہ کہ کسی مومن کو مشرک کے بدلے قتل نہ کیا جائے ۔ پھر کہتے ہیں : میں نے مطرف سے پوچھا : قیدی کو آزاد کرانا کیا ہے ؟ فرماتے ہیں کہ دشمن سے آزاد کروائیں، اس طرح سنت جاری ہے اور صلت کہتے ہیں کہ دیت ادا کرنا۔