(١٨٩٥) سیدنا ابی قتادہ اپنے والد سے نقل فرماتے ہیں کہ ہم ایک رات رسول اللہ (صلی اللہ علیہ وآلہ وسلم) کے ساتھ چلے، بعض لوگ کہنے لگے : اے اللہ کے رسول ! کاش ! آپ (صلی اللہ علیہ وآلہ وسلم) ہمارے ساتھ پڑاؤ کریں۔ آپ (صلی اللہ علیہ وآلہ وسلم) نے فرمایا : مجھے خوف ہے کہیں کہ تم نماز سے سو نہ جاؤ، بلال (رض) نے کہا : میں آپ کو بیدار کردوں گا ، لوگوں نے پڑاؤ کیا اور آرام کے لیے لیٹ گئے اور بلال (رض) نے بھی سواری کے ساتھ ٹیک لگا لی آپ (رض) پر غالب آگئی۔ رسول اللہ (صلی اللہ علیہ وآلہ وسلم) جب بیدار ہوئے تو سورج کا کنارہ طلوع ہوچکا تھا۔ آپ (صلی اللہ علیہ وآلہ وسلم) نے فرمایا : اے بلال ! کہاں ہے جو تو نے کہا تھا ؟ بلال (رض) نے کہا : اے اللہ کے رسول ! مجھ پر اس طرح کی نیند کبھی بھی نہیں ڈالی گئی، پھر آپ (صلی اللہ علیہ وآلہ وسلم) نے فرمایا : اے بلال ! کھڑے ہو اور لوگوں کو نماز کی اطلاع دو ، انھوں نے وضو کیا جب سورج بلند اور سفید ہوگیا تو آپ کھڑے ہوئے اور نماز پڑھائی۔