(١٨٩٥٨) عمرو بن شرحبیل حضرت عائشہ (رض) سے نقل فرماتے ہیں کہ ہماری ایک بکری مرنے لگی تو ہم نے ذبح کر کے تقسیم کردی تو نبی (صلی اللہ علیہ وآلہ وسلم) نے پوچھا : تمہاری بکری کا کیا بنا ؟ کہتی ہیں : وہ مرنے لگی تھی، ہم نے ذبح کر کے گوشت تقسیم کردیا۔ صرف ایک کندھے، شانے کا گوشت باقی ہے۔ آپ نے فرمایا : مکمل بکری تمہارے لیے ہے سوائے شانے کے۔
(ب) زہری ابن مسیب سے نقل فرماتے ہیں کہ ذبح اس وقت بھی ہوسکتا ہے جب آنکھ اور دم حرکت کر رہے ہوں اور پاؤں بھی حرکت کرے۔