(١٨٩٨٣) حضرت ابوہریرہ (رض) فرماتے ہیں کہ بحرین آیا تو ربذہ نامی جگہ پر عراق کے محرم لوگوں نے پانی پر تیر آنے والے شکار کے بارے میں مجھ سے پوچھا، وہ اس کے خریدنے اور کھانے کے بارے میں سوال کر رہے تھے تو میں نے حالت احرام میں ان کو یہ شکار خرید کر کھانے کی اجازت دے دی۔ پھر میں مدینہ آیا تو اس مسئلہ کے بارے میں میرے دل میں شک تھا جو میں نے ان کو حکم دیا تو میں نے حضرت عمر (رض) کے سامنے تذکرہ کیا۔ انھوں نے پوچھا : آپ نے اس کے بارے میں ان کو کیا حکم دیا ہے ؟ ابوہریرہ کہتے ہیں : میں نے انھیں خرید کر کھانے کی اجازت دی ہے۔ حضرت عمر (رض) نے فرمایا : اگر تو اس کے علاوہ کوئی اور بات کہتا تو میں یہ کرتا گویا کہ اس کو دھمکی دے رہے تھے۔