(١٩٠٢٣) براء بن عازب (رض) فرماتے ہیں کہ ان کے خالو ابو بردہ بن نیار نے نبی (صلی اللہ علیہ وآلہ وسلم) کے ذبح کرنے سے پہلے قربانی کردی۔ اس نے کہا : اے اللہ کے رسول ! یہ تو گوشت کا دن ہے، اس لیے میں نے اپنی قربانی کو جلدی کیا ہے۔ تاکہ اپنے گھر والوں اور ہمسایوں کو کھانا کھلا سکوں تو رسول اللہ (صلی اللہ علیہ وآلہ وسلم) نے فرمایا : قربانی دوبارہ کر۔ اس نے کہا : اے اللہ کے رسول ! میرے پاس بکری کا ایک سالہ بچہ ہے جو گوشت کی دو بکریوں سے اچھا ہے۔ فرمایا : یہ تیری بہترین قربانی ہے، لیکن تیرے بعد جزع یعنی کھیرا جانور کسی کو بھی کفایت نہ کرے گا۔