(١٩٠٤٤) حضرت عائشہ فرماتی ہیں کہ رسول اللہ (صلی اللہ علیہ وآلہ وسلم) کی قربانیوں کے قلادے میں اپنے ہاتھ سے بناتی تھی۔ پھر رسول اللہ (صلی اللہ علیہ وآلہ وسلم) قلادے پہنا کر میرے والد کے ساتھ قربانیاں روانہ کردیتے۔ رسول اللہ (صلی اللہ علیہ وآلہ وسلم) پر کوئی چیز حرام نہ ہوتی۔ یہاں تک کہ قربانی نحر کردی جاتی۔
امام شافعی (رح) فرماتے ہیں : انسان صرف قربانی روانہ کرنے کی وجہ سے محرم نہیں قرار پاتا۔ قربانی اکثر طور پر روانہ کرنے کے رادہ سے کی جاتی ہے۔