(١٩١١٣) براء بن عازب (رض) فرماتی ہیں کہ رسول اللہ (صلی اللہ علیہ وآلہ وسلم) نے فرمایا : نماز پڑھنے سے پہلے کوئی قربانی ذبح نہ کرے۔ میرے ماموں نے کہا : اے اللہ کے رسول ! اس دن میں گوشت بہت زیادہ ہوتا ہے۔ میں نے اپنے گھر والوں اور ہمسایوں کو کھلانے کے لیے پہلے ہی ذبح کردیا۔ میرے پاس بکری کا جذعہ جو گوشت والی بکری سے بہتر ہے ، کیا میں اس کو ذبح کر دوں ؟ فرمایا : ذبح کرلو لیکن آپ کے بعد جذعہ کسی سے کفایت نہ کرے گا۔ یہ تیری بہترین قربانی ہے۔