(١٩١٧٦) حضرت عبدالرحمن بن عوف فرماتے ہیں کہ میں مسجد میں داخل ہوا اور رسول اللہ مسجد س نکل رہے تھے۔ میں بھی آپ (صلی اللہ علیہ وآلہ وسلم) کے پیچھے چل نکلا ۔ آپ (صلی اللہ علیہ وآلہ وسلم) کو معلوم نہ تھا۔ آپ (صلی اللہ علیہ وآلہ وسلم) نے کھجور کے باغ میں داخل ہونے کے بعد لمبا سجدہ کیا۔ میں نے تو خیال کیا کہ اللہ نے آپ کو فوت کرلیا ہے۔ میں نے آگے بڑھ کر سر جھکا کر نبی (صلی اللہ علیہ وآلہ وسلم) کے چہرے کو دیکھنے کی کوشش کی تو آپ (صلی اللہ علیہ وآلہ وسلم) نے اپنا سر مبارک اٹھایا اور پوچھا : اے عبدالرحمن ! کیا بات ہے ؟ میں نے کہا : اے اللہ کے رسول ! آپ (صلی اللہ علیہ وآلہ وسلم) کے لمبے سجدے کی وجہ سے میں ڈر گیا کہ کہیں اللہ تعالیٰ نے آپ کو فوت کرلیا ہے تو میں دیکھنے کے لیے آیا۔ آپ (صلی اللہ علیہ وآلہ وسلم) نے فرمایا : جب میں باغ میں داخل ہوا تو جبرائیل سے ملاقات ہوگی تو انھوں نے کہا : میں آپ (صلی اللہ علیہ وآلہ وسلم) کو خوشخبری دینے آیا ہوں۔ جو آپ (صلی اللہ علیہ وآلہ وسلم) پر سلام پڑھے تو میں اس پر سلامتی کروں گا اور جو آپ (صلی اللہ علیہ وآلہ وسلم) پر درود پڑھے میں اس پر رحمت نازل کروں گا۔
امام شافعی (رح) فرماتے ہیں : رسول اللہ (صلی اللہ علیہ وآلہ وسلم) نے فرمایا : جو درود پڑھنا بھول گیا وہ جنت کا راستہ بھول گیا۔