(١٩١٨٦) عاصم بن شریب فرماتے ہیں کہ حضرت علی (رض) کے پاس قربانی کے دن مینڈھا لایا گیا۔ ذبح کرتے وقت انھوں نے یہ کہا : میں اللہ کے نام سے شروع کرتا ہوں۔ اے اللہ ! یہ تیری عطا اور تیرے راستہ میں ہے اور محمد (صلی اللہ علیہ وآلہ وسلم) کی طرف سے ہے۔ پھر قربانی کے گوشت کو صدقہ کرنے کا حکم دے دیا گیا۔ پھر دوسرا مینڈھا لایا گیا تو ذبح کرتے وقت یہ کہا : میں شروع کرتا ہوں اللہ کے نام سے۔ اے اللہ یہ تیری عطا تیرے راستہ میں اور علی کی جانب سے ہے۔ راوی کہتے ہیں : پھر حضرت علی (رض) نے کہا : ایک تھال میں گوشت ڈال کر میرے پاس لاؤ اور باقی صدقہ کر دو ۔