(١٩٣٠٤) انس بن مالک (رض) فرماتے ہیں کہ میں عبداللہ بن ابی طلحہ انصاری کو لے کر رسول اللہ (صلی اللہ علیہ وآلہ وسلم) کے پاس آیا، جس وقت وہ پیدا ہوئے تو آپ (صلی اللہ علیہ وآلہ وسلم) اونٹوں کے پاس تھے۔ آپ (صلی اللہ علیہ وآلہ وسلم) نے پوچھا : کیا تیرے پاس کھجور ہے ؟ میں نے اثبات میں جواب دیا۔ آپ (صلی اللہ علیہ وآلہ وسلم) نے کھجوریں پکڑ کر منہ میں ڈال کر چبائیں ، پھر نکال کر بچے کے منہ میں ڈال دیں۔ بچہ کھجور چوسنے لگا تو رسول اللہ نے فرمایا : انصار کھجور کو پسند کرتے ہیں اور آپ (صلی اللہ علیہ وآلہ وسلم) نے اس کا نام عبداللہ رکھ دیا۔