(١٩٣٢٤) حضرت جابر (رض) فرماتے ہیں : ہم میں سے کسی کے ہاں بچے کی پیدائش ہوئی۔ اس نے بچے کا نام محمد رکھ دیا تو لوگوں نے کہا : ہم تجھے بچے کا نام محمد نہیں رکھنے دیں گے۔ وہ اپنے بچے کو کمر پر اٹھا کر نبی (صلی اللہ علیہ وآلہ وسلم) کے پاس لے آیا۔ اس نے کہا : اے اللہ کے رسول ! میرے گھر بچہ پیدا ہوا۔ میں نے اس کا نام محمد رکھ دیا تو لوگوں نے مجھے کہا : ہم تجھے چھوڑیں گے نہیں کہ تو نے محمد (صلی اللہ علیہ وآلہ وسلم) کے نام کے ساتھ نام رکھا۔ رسول اللہ (صلی اللہ علیہ وآلہ وسلم) نے فرمایا : تم میرے نام پر نام رکھ سکتے ہو، لیکن میری کنیت پر کنیت نہ رکھو کیونکہ میں قاسم ہوں۔ میں تمہارے درمیان تقسیم کرنے والا ہوں۔