(١٩٣٨٧) عبدالرحمن بن معقل سلمی فرماتے ہیں کہ میں نے رسول اللہ (صلی اللہ علیہ وآلہ وسلم) سے بجو کے بارے میں پوچھا تو آپ (صلی اللہ علیہ وآلہ وسلم) نے فرمایا : میں کھاتا نہیں اور منع بھی نہیں کرتا۔ راوی کہتے ہیں : میں نے پوچھا : جب آپ (صلی اللہ علیہ وآلہ وسلم) اس کو منع نہیں کرتے تو میں کھالوں گا۔ راوی کہتے ہیں : میں نے کہا : گوہ کے بارے میں آپ کا کیا خیال ہے ؟ آپ (صلی اللہ علیہ وآلہ وسلم) نے فرمایا : میں کھاتا بھی نہیں اور منع بھی نہیں کرتا۔ راوی کہتے ہیں : جب آپ (صلی اللہ علیہ وآلہ وسلم) منع نہیں کرتے تو میں کھاؤں گا۔ کہتے ہیں : میں نے کہا : اے اللہ کے نبی (صلی اللہ علیہ وآلہ وسلم) ! خرگوش کے بارے میں آپ (صلی اللہ علیہ وآلہ وسلم) کا کیا خیال ہے؛فرمایا : میں اس کو کھاتا نہیں اور حرام بھی نہیں کہتا۔ راوی کہتے ہیں : جب آپ (صلی اللہ علیہ وآلہ وسلم) اس کو حرام نہیں کہتے تو میں کھاؤں گا۔ کہتے ہیں میں نے پوچھا : اے اللہ کے نبی ! بھیڑیے کے بارے میں آپ (صلی اللہ علیہ وآلہ وسلم) کا کیا خیال ہے ؟ آپ (صلی اللہ علیہ وآلہ وسلم) نے فرمایا : کیا اسے کوئی کھاتا ہے ؟ راوی کہتے ہیں : میں نے پوچھا : اے اللہ کے نبی (صلی اللہ علیہ وآلہ وسلم) ! لومڑی کے بارے میں آپ (صلی اللہ علیہ وآلہ وسلم) کا کیا خیال ہے ؟ آپ (صلی اللہ علیہ وآلہ وسلم) نے فرمایا : کیا لومڑی کو بھی کوئی کھاتا ہے ؟
(ب) حضرت عبداللہ بن عباس (رض) فرماتے ہیں کہ جب محرم آدمی بجو کا شکار کرے تو اس کے عوض ایک مینڈھا ادا کرے گا۔